Që prej pjesëmarrjes së saj në edicionin e parë të “Big Brother VIP Kosova”, Santiana Maloku ka qenë një nga personazhet më të komentuar në mediat rozë dhe rrjetet sociale.
Ajo arriti të fitojë një ndjekje të konsiderueshme pas daljes nga shtëpia e famshme, falë personalitetit të saj të drejtpërdrejtë, stilit të veçantë dhe angazhimit aktiv në rrjetet sociale, ku shpesh ndan momente nga jeta e saj personale dhe profesionale.
Një nga temat që ka ngjallur më shumë interes tek publiku ka qenë lidhja e saj me Patrisi Berishën.
Pas shumë aludimesh dhe spekulimesh nga ndjekësit dhe mediat, çifti vendosi të mos e fshihnin më raportin e tyre dhe konfirmuan lidhjen përmes disa postimeve të përbashkëta në rrjete sociale, ku shfaqeshin në momente të afërta dhe romantike.
Kjo lidhje u komentua gjerësisht, duke tërhequr vëmendjen e publikut, sidomos për faktin që të dy ishin figura të njohura për publikun dhe kishin një bazë të madhe ndjekësish.
Megjithatë, duket se marrëdhënia e tyre nuk ka arritur të zgjasë shumë. Sipas burimeve nga media “Kosovarja”, Santiana dhe Patrisi i kanë ndarë rrugët e tyre vetëm pak ditë më parë.
Ndonëse asnjëri prej tyre nuk ka bërë një deklaratë të drejtpërdrejtë për fundin e lidhjes, veprimet e tyre në rrjete sociale flasin vetë.
Ata kanë fshirë njëri-tjetrin nga Instagrami, si dhe të gjitha fotografitë apo postimet ku shfaqeshin së bashku – një sinjal i qartë që tregon se marrëdhënia e tyre ka marrë fund. Ky veprim është interpretuar si një mënyrë e heshtur, por shumë domethënëse, për të treguar se gjithçka mes tyre ka përfunduar.
Pas ndarjes, Santiana është shfaqur më aktive se zakonisht në rrjete sociale, duke ndarë me ndjekësit momente të ndryshme nga përditshmëria e saj. Së fundmi, ajo ka publikuar një fotografi ku shihet duke shijuar një cigare – një postim që ka ngjallur shumë komente dhe spekulime.
Ndjekësit e saj e kanë interpretuar këtë veprim si një lloj mesazhi të heshtur, një mënyrë për të shprehur gjendjen emocionale pas ndarjes ose për të treguar se është duke e përballuar situatën në mënyrën e saj.
Për momentin, mbetet e paqartë nëse ndarja është përfundimtare apo nëse çifti do të vendosë të rifillojë marrëdhënien në të ardhmen. Megjithatë, fakti që të dy kanë zgjedhur të distancohen publikisht nga njëri-tjetri tregon se gjërat nuk kanë shkuar sipas pritshmërive.
Ndërkohë, Santiana duket se po fokusohet tek vetja dhe projektet personale, duke ruajtur një prani të fortë në sferën publike, ashtu siç ka bërë gjithmonë që nga hyrja në botën e shoëbiz-it./ORAinfo/
