Tre persona janë arrestuar, ndërsa dy të mitur janë proceduar në gjendje të lirë, pasi akuzohen se kanë penguar qarkullimin e automjeteve dhe kanë gjuajtur me sende të forta tre autobusë që transportonin tifozë të një ekipi futbolli.
Ngjarja ka ndodhur pas mesnate, në aksin rrugor “Qafë Kashar – Rinas”, ku disa persona kanë goditur me mjete të forta automjetet e tifozëve dhe kanë krijuar kaos në qarkullim.
Të ndaluarit dhe të proceduarit
Sipas njoftimit të Policisë së Tiranës, nga Specialistët për Hetimin e Krimeve të Komisariatit Nr. 7, në bashkëpunim me shërbimet e Forcës së Posaçme “Shqiponja”, janë arrestuar në flagrancë:
A. M., 32 vjeç
K. S., 29 vjeç
Sh. S., 30 vjeç
Ndërkohë, janë proceduar në gjendje të lirë edhe dy të mitur, 17-vjeçarë, të cilët dyshohet se ishin të përfshirë në ngjarje.
Njoftimi i policisë Tiranë
Penguan qarkullimin e automjeteve dhe gjuajtën me sende të forta 3 autobusë që transportonin tifozët e një ekipi futbolli, identifikohen 5 shtetas.
Vihen në pranga 3 prej tyre, procedohen në gjendje të lirë 2 të tjerë.
Specialistët për Hetimin e Krimeve të Komisariatit të Policisë Nr. 7, në bashkëpunim me shërbimet e Sektorit të Forcës së Posaçme “Shqiponja”, arrestuan në flagrancë shtetasit A. M., 32 vjeç, K. S., 29 vjeç dhe Sh. S., 30 vjeç, dhe referuan materialet në Prokurori ku nisi procedimi penal për 2 shtetas të mitur 17 vjeç.
Nga veprimet hetimore dyshohet se këta shtetas, pas mesnate, në aksin rrugor “Qafë Kashar – Rinas”, kanë penguar qarkullimin e automjeteve dhe kanë gjuajtur me sende të forta, 3 autobusë që transportonin tifozët e një ekipi futbolli.
Punohet për identifikimin dhe kapjen e shtetasve të tjerë të përfshirë në këtë rast.
Materialet procedurale i kaluan Prokurorisë, për veprat penale “Prishja e rendit dhe qetësisë publike”, “Shkatërrim i pronës” dhe “Pengim i qarkullimit të mjeteve të transportit”, të kryera në bashkëpunim.
