Një ngjarje e rëndë ka ndodhur mbrëmjen e sotme në fshatin Bogdan të Beratit, ku një person ka humbur jetën si pasojë e një të shtënë me armë gjahu.
Sipas informacionit paraprak, rreth orës 21:00, shtetasi Th. K., 53 vjeç, dyshohet se ka qëlluar me armë gjahu me qëllim për të vrarë një kafshë të egër.
Nga pakujdesia, ai ka plagosur A. T., 57 vjeç, i cili ndërroi jetë në spital për shkak të plagës së marrë.
Autori i dyshuar është shoqëruar nga policia në ambientet e Drejtorisë Vendore të Policisë Berat për veprime të mëtejshme.
Grupi hetimor ndodhet në vendngjarje dhe po punon për zbardhjen e plotë të rrethanave. /noa.al
