Një ngjarje e rëndë është shënuar në Berlin ditën e sotme. Sipas mediave vendase, një makinë përplasi një grup njerëzish në trotuar.
Incidenti ndodhi rreth orës 13:10 sipas orës lokale në Seestraße, një rrugë në Berlin-Wetting, në veriperëndim të qendrës së qytetit.
Sipas Bild, një BMW përplasi një grup fëmijësh, të moshës midis 7 dhe 8 vjeç.
Tre nga 15 fëmijët në vendngjarje u plagosën dhe u dërguan në spital.
Bild raporton se shoqëruesi i tyre u plagos rëndë.
Policia po heton ende rrethanat e sakta të incidentit.
Shoferi i automjetit u arrestua në vendngjarje.
Shërbimet gjermane të emergjencës thanë se ishte një aksident. Shoferi u mor në pyetje dhe nuk u lëndua.
