Një aksident i rëndë automobilistik në veri të Nju Jorkut u shndërrua në skenë dramatike shpëtimi, pasi një makinë që u përplas me një shtyllë shërbimi shpërtheu në flakë.
Ngjarja ndodhi të dielën herët në mëngjes, në Rrugën 9W në Fort Montgomery. Përplasja shkaktoi rënien e linjave të tensionit dhe ndezjen e automjetit, duke vënë në rrezik jetën e shoferit të mbetur brenda.
Në atë moment ndodhej aty Larry Pickett Jr., 20 vjeç, lojtar futbolli i Akademisë Ushtarake West Point. Pa hezituar, ai shkoi me shpejtësi te makina e përfshirë nga flakët dhe arriti të tërhiqte shoferin jashtë vetëm pak sekonda përpara se automjeti të shpërthente plotësisht.
“Djalli im nuk mendoi dy herë, hyri menjëherë në veprim,” tha babai i tij, Larry Pickett Sr., i cili filmoi momentin dhe e ndau në rrjete sociale. Videoja tregon skenën dramatike ku flakët pushtojnë makinën menjëherë pasi shoferi u nxor në vend të sigurt.
Zjarrfikësit e Fort Montgomery mbërritën më pas në vendin e ngjarjes dhe shuan zjarrin. Autoritetet thanë se shoferi i shpëtuar nuk pësoi lëndime serioze, falë ndërhyrjes së menjëhershme të futbollistit./NewYorkPost
