Karabinierët e Kompanisë Gubbio në Itali 3 shqiptarë të dyshuar si pjesë e një organizate kriminale ‘skifterësh’, që grabisnin banesat e vendasve në seri. Të ndaluarit janë 30, 36 dhe 41 vjeç, që akuzohen tashmë për vjedhje të rëndë.
Një telefonatë sinjalizoi efektivët, teksa të dyshuarit u panë me një makinë, përgjatë autostradës SS318. Makina nuk arriti të ndalonte në një pikë kontrolli dhe u largua me shpejtësi drejt Perugias. Këtu nisi një ndjekje, teksa u desh edhe përfshirja e patrullave të tjera në aksion.
Dy nga pasagjerët e makinës u ndaluan menjëherë dhe u arrestuan nga karabinierët, ndërsa i treti arriti të ikte në pyjet përreth. Ai u identifikua pasi u gjetën dokumentet e tij, të cilat ishin lënë brenda makinës. Hetimet e mëvonshme zbuluan se ishte person me precedentë penalë dhe ndalim për të hyrë në Itali.
Vetëm në orët e para të mëngjesit ai u lokalizua dhe kap në Gualdo Tadino dhe u mbyll në paraburgim, bashkë me dy të tjerët, informon media italiane.
Brenda makinës u gjetën gjithashtu mjete të vjedhura, pajisje për të kryr bastisjet, veshje për maskim, bizhuteri ari dhe sende me vlerë, të cilat iu kthyen menjëherë pronarëve të tyre. Gjykata konfirmoi masat e arrestit dhe mbajtjen në burgun e Perugia-Capanne.
