Reperi i njohur Mozzik dhe partnerja e tij, këngëtarja Lotina, kanë ndarë me ndjekësit e tyre disa momente të veçanta nga vizita e tyre në qytetin që nuk fle kurrë – New York.
Përmes rrjeteve sociale, çifti ka publikuar fotografi të ndryshme, ku duken të relaksuar dhe të buzëqeshur, duke shijuar atmosferën e veçantë të këtij metropoli.
Nga pamjet e publikuara në Instagram, vihet re se dyshja po kalon kohë cilësore së bashku, mes peizazheve ikonike të qytetit dhe rrugëve plot gjallëri. Ata duken të afërt dhe të lumtur pranë njëri-tjetrit, duke lënë të kuptohet se kjo vizitë është një udhëtim jo vetëm turistik, por edhe romantik.
Mozzik dhe Lotina janë përfolur së fundmi për lidhjen e tyre, ndërsa postimet nga New York-u vijnë si një tjetër dëshmi e afërsisë së tyre dhe kohës së bukur që po kalojnë së bashku. Fansat kanë reaguar menjëherë në komente, duke uruar çiftin dhe shprehur gëzim për pamjet pozitive që ndanë nga një prej qyteteve më të famshme në botë.
Vizita e tyre në New York, përveçse një përvojë personale, duket të jetë edhe një moment i rëndësishëm në marrëdhënien e tyre, që po e ndajnë hap pas hapi me publikun. /Telegrafi/
