Edhe pse spektakli “Big Brother VIP Albania” ka përfunduar prej disa javësh, duket se për disa nga ish-banorët rrugëtimi emocional dhe përplasjet e nxehta nuk janë mbyllur me daljen nga shtëpia më e famshme në Shqipëri.
Një ndër çiftet më të komentuar gjatë këtij sezoni ishte ai mes këngëtares Egli Tako dhe artistit Gjestin Lumezi, të cilët për një kohë të gjatë lanë të kuptohej se midis tyre po lindte një lidhje, e më pas, rrjedhat morën një drejtim krejt tjetër.
Pas përfundimit të spektaklit, Egli është rikthyer shumë aktive në rrjetet sociale, ku ndan herë pas here momente nga përditshmëria e saj, por jo rrallëherë edhe postime me nuanca thumbuese, që fansat i lexojnë si referenca për Gjestin.
Një prej këtyre postimeve që ndezi reagime të shumta, ishte ai i bërë disa javë më parë ku Egli shfaqet me një arush pelushi të madh me emrin “La Bubu”.
Në mbishkrimin e videos, ajo shkruan me një buzëqeshje të fshehur: “Me kë ju ngjanë, ju ngjanë me dikë?”, duke lënë të nënkuptohet se pelushi përfaqësonte një njeri të vërtetë, sipas saj.
Edhe pse këngëtarja nuk përmendi asnjë emër konkret, rrjeti “shpërtheu” në spekulime dhe shumica e fansave interpretuan se kjo ishte një formë e rafinuar ironie ndaj Gjestit.
Komentet nuk munguan – ndjekësit ndaheshin në dy kampe: ata që mbështesnin Eglin dhe shihnin humorin në postimin e saj, dhe ata që e kritikonin për përçimin e mesazheve të fshehura dhe për faktin se vazhdonte të merrej me tema të së kaluarës.
Situata u nxe edhe më shumë ditën e sotme, kur në rrjete sociale qarkulloi një video nga motra e Gjestit, Blerina Lumezi.
Ajo është parë në një video të shkurtër duke mbajtur në dorë një lodër kangur, ndërsa me një ton ironik thotë: “E sa njeri është si ky!” – një deklaratë që shumë e konsideruan si përgjigje të drejtpërdrejtë ndaj videos së Eglit me arushën “La Bubu”.
Videoja e Blerinës u shpërnda me shpejtësi nga fansat dhe llogaritë dedikuar BBVA-së, duke ndezur një tjetër valë komentesh e diskutimesh.
Përdoruesit e rrjeteve sociale kanë vërshuar me opinione të ndryshme – disa e panë veprimin e saj si një mbrojtje të natyrshme për vëllain e saj, duke e konsideruar qëndrimin e saj të arsyeshëm pas postimit të Eglit.
Ndërsa të tjerë, shprehën se përfshirja e familjarëve në këto “thumbime” publike vetëm sa e zgjat një histori që duhet të ishte lënë pas.
Për momentin, as Egli, as Gjestin nuk kanë reaguar në mënyrë direkte pas postimit të fundit të Blerinës, mirëpo kjo përplasje e heshtur po ndjek një ritëm të tensionuar, duke treguar se emocionet dhe zhgënjimet e marra nga përvoja në “Big Brother VIP” ende nuk janë shuar.
Kjo situatë tregon edhe një herë se ndikimi i reality show-ve në jetën personale të pjesëmarrësve shpesh shkon përtej kamerave dhe ekranit.
Ndjekësit duket se vazhdojnë të jetojnë emocionet e spektaklit përmes postimeve, videove dhe thumbimeve të figurave publike, të cilat, ndonëse indirekte, ushqejnë një dramë të vazhdueshme që publiku duket se nuk e ka aspak ndër mend të harrojë.
Nëse do të ketë një reagim tjetër nga Egli apo Gjestin lidhur me këto zhvillime, mbetet për t’u parë.
Por, një gjë është e sigurt – loja e fjalëve dhe simbolikave në rrjete sociale duket se është kthyer në një “Big Brother” të dytë, këtë herë pa kamera zyrtare, por me një publik që vëzhgon çdo lëvizje./ORAinfo/
