Personi që shihni në foto është 34-vjeçari, Kristjan Kola, i cili u ekzekutua mbrëmjen e sotme me armë zjarri në qytetin e Shkodrës.
Uniformat blu bëjnë me dije se vrasja ndodhi rreth orës 22:30, në lagjen “Vasil Shanto”.
Në rrethana ende të paqarta, dy persona që po lëviznin me motor, ende të paidentifikuar, dyshohet se vranë me armë zjarri 34-vjeçarin , i cili i momentin e të shtënave ndodhej në ambientet e jashtme të një lokali.
Shërbimet e Policisë shkuan menjëherë në vendngjarje, ku kanë ngritur pika kontrolli në dalje të qytetit për kapjen e autorëve të vrasjes.
Gjithashtu, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorëve.
Njoftimi i policisë
Shkodër / Informacion paraprak
Rreth orës 22:30, në lagjen “Vasil Shanto”, në rrethana ende të paqarta, dy shtetas ende të paidentifikuar dyshohet se kanë vrarë me armë zjarri shtetasin K. K., 34 vjeç, i cili ishte në ambientet e jashtme të një lokali.
Shërbimet e Policisë kanë shkuar menjëherë në vendngjarje, janë ngritur pika kontrolli në dalje të qytetit dhe vijojnë kontrollet në zonë e në ambiente të ndryshme, për kapjen e autorëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorëve.
