Shkolla “Talif Rexhepi” ku studionte 14-vjeçari që u vra në Maliq ka shkruar një mesazh të ndjerë për nxënësin e tyre.
Përmes një postimi në “Facebook”, shkolla shkruan se nuk humbën vetëm një nxënës por një të ri plot ëndërra dhe mirësjellje.
Në postim theksohet se shkolla nuk do të jetë më njësoj pa të dhe se kujtimet e tij do të mbetën të përjeshtme për ta.
Shkolla ka shprehur edhe ngushime për familjen ndërsa shtoi se 14-vjeçari tashmë është një engjëll dhe më i bukuri në parajsë.
Postimi i shkolles “Talif Rexhepi”
Lamtumire, ylli yne i ndritur Erald! Sot zemrat tona jane me te renda se kurre. Humbem jo thjesht një nxënes, por nje djale te mrekullueshem, plot endra, buzeqeshje dhe miresjellje.
Ti ishe shembull i perkushtimit, i dashurise per dijen dhe i shpirtit te paster.
Shkolla nuk do te jete me e njeja pa ty. Banka ku uleshe do te mbetet bosh, por kujtimet tona do te jene gjithmone plot me driten qe ti fale.
Fjalët nuk mjaftone per te shprehur dhimbjen, por ti do te mbetesh perjetesisht ne zemrat tona.
U prehsh ne paqe! Ti nuk u largove, por u bere engjelli me i bukur i Parajses! Ngushëllime familjarëve! Jemi bashkë me ju ne këtë dhimbje të madhe!
Si ndodhi ngjarja
Ngjarja tragjike ka ndodhur pasditen e 14 gushtit në ambientet e jashtme të lokalit në fshatin Pirg të Maliqit.
Erald Xhejo 14 vjeç është vrarë nga bashkëmoshatari i tij gjatë një sherri në një lokal.
I mituri nuk ka mundur t’i mbijetojë plagëve të marra nga thika dhe fatkeqësisht ndërroi jetë në spital.
Dy të miturit, autori Enedio Guri dhe viktima Erald Xhejo kanë qenë duke folur fillimisht e më pas kanë nisur të debatojnë, duke vijuar më tej me përdorimin e armëve të ftohta, përkatësisht thikë.
Autori Enedio Guri ende nuk ka dhënë asnjë dëshmi për ngjarjen.
