Fjolla Morina i jep lamtumirën e fundit dizajnerit të njohur Festim Isufi: “Ka qenë një djalë shembull, të shpërbleftë Zoti me xhenet”.
Këngëtarja e njohur shqiptare, Fjolla Morina, ka shpërndarë një postim prekës në llogarinë e saj në Instagram, duke i dhënë lamtumirën e fundit stilistit dhe dizajnerit të njohur Festim Isufi.
Postimi i saj ka tronditur ndjekësit, duke hedhur dritë mbi një lajm të dhimbshëm që ka prekur komunitetin artistik dhe më gjerë.
Në story-n e saj, Fjolla ka postuar një foto të Festim Isufit të shoqëruar me fjalët prekëse:
“Ka qenë një djalë shembull. Të shpërbleftë Zoti me xhenet”, duke treguar kështu vlerësimin dhe dhimbjen për humbjen e një personi që, sipas saj, përfaqësonte modelin e një njeriu të përkushtuar dhe të ndershëm.
Në postimin e ndarë, shfaqet një poster zyrtar i Festim Isufit, ku ai promovonte kurset e tij profesionale dhe bashkëpunimet që kishte planifikuar për më 2 tetor 2024.
Fjalët motivuese “Let’s work together” dhe numri i kontaktit që shfaqej në poster tregojnë se Festimi ishte aktiv në fushën e tij dhe kishte plane konkrete për të ardhmen – gjë që e bën edhe më të dhimbshme lajmin e papritur për ndarjen e tij nga jeta.
Edhe pse ende nuk ka konfirmime zyrtare nga autoritetet për rrethanat e vdekjes së tij, burime të ndryshme kanë aluduar se ai mund t’i ketë dhënë fund jetës së tij.
Ky dyshim ka ngjallur reagime të shumta në rrjetet sociale, ku ndjekësit dhe figura publike kanë shprehur trishtimin dhe solidaritetin e tyre për humbjen.
Festim Isufi njihej për stilin e tij të veçantë dhe përkushtimin në modë.
Ai kishte bashkëpunuar me shumë emra të njohur të skenës shqiptare dhe ishte një nga figurat më premtuese në industrinë e dizajnit.
Ndarja e tij nga jeta ka lënë një boshllëk të madh në komunitetin artistik shqiptar, ndërsa shumë kolegë dhe miq po ndajnë kujtime dhe mesazhe prekëse në rrjetet sociale, në përpjekje për të nderuar kujtimin dhe kontributin e tij./ORAinfo/
