Tiranë, 3 Gusht 2025 – Vijojnë veprimet e thelluara hetimore për zbardhjen dhe dokumentimin e plotë ligjor të ngjarjes së ndodhur mbrëmjen e djeshme në rrugën “Thoma Filipeu”, në zonën e Freskut, ku mbeti i plagosur me armë zjarri 28-vjeçari J.A.
Specialistët e Sektorit për Hetimin e Krimeve të Rënda kundër Jetës dhe Pronës në Drejtorinë Vendore të Policisë Tiranë, në bashkëpunim me Prokurorinë, kanë bërë të mundur identifikimin e autorit të dyshuar dhe dy bashkëpunëtorëve të tij.
Në vijim të veprimeve proceduriale:
U shpall në kërkim autori i dyshuar i plagosjes, Klejvis Caka (i njohur edhe me mbiemrin Lusha)
U arrestua shtetasi Xhonatan Qerimi, si bashkëpunëtor në këtë ngjarje
U shpall në kërkim shtetasi Andi Gurra, si bashkëpunëtor i tretë
Shërbimet e Policisë vijojnë kontrollet intensive në disa zona të Tiranës dhe më gjerë, me qëllim kapjen e autorëve të shpallur në kërkim dhe vënien e tyre përpara përgjegjësisë ligjore.
Grupi hetimor, nën drejtimin e Prokurorisë, po vijon punën për dokumentimin e plotë të ngjarjes, identifikimin e rrethanave, si dhe sekuestrimin e provave të tjera materiale që lidhen me rastin.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin
